Duela bi aste inguru, benetan interesgarria iruditu zitzaigun eskakizun bat egin ziguten e-posta bidez. Martxoaren 18 eta 19an aurrera eramango den Travelblogger Topaketan hitzaldi txiki bat ematearena hain zuzen ere.
Karabana sektoreko blogari profesionalei zuzenduriko topaketa bat zela aipatu ziguten eta helburu hauek bilatzen zituztela azpimarratu ziguten:
- Karabana eta furgoneten turismo sektorea merezi duen lekuan ipintzea.
- Blogari ezberdinen bidez, leku, produktu eta esperientzia berriak ikustaraztea.
- Azken finean, sektore horretako blogari profesionalak biltzea eta beraien esperientziak partekatzeaz gain, beraientzat interesgarriak diren ezagutzak ikasi ahal izatea aldi berean.
Ikasketa prozesu horren baitan kokatzen gara gu TaPuntu gisa. Izan ere, gure lankidea den Mikel Olaizek, aipaturiko egunean hitzaldi bat eskainiko baitu bertan.
Ondoko gaiak jorratuko dituela aurreratzen dizuegu:
- Web-orri edo blog baten posizionamendua hobetzeko gakoak.
- WordPress-en SEO egoki bat lortzeko bidean instalatu daitezkeen plugin gomendagarrienak.
- Google Analytics tresnaren neurgailu interesgarrienak.
- Sare sozialen emaitzak neurtzeko tresnak.
Beraz, Topaketak, aisialdirako lekua utziko duela argi dugu baina bertan izen eman dutenek, ikasteko parada ere izango dute.
Topaketaren inguruko informazio gehiago nahi izanez gero, bere sustatzailea den Maider Pérez-en blog-ean aurki dezakezue: I. Travelblogger Topaketa