Gaur egun, autobus edo tren baten barnean, kalean barrena, lantokian edo gure etxean bertan guztiz ohikoa izaten da eskuetan sakeleko telefono bat, tablet bat edo beste edozein gailu elektroniko daraman edonor ikustea.
Guzti honetan, E-marketing arloan, azken hamarkadetan bizitako hastapenak eta ziztu bizian eman den eboluzioak eragin handia duela argi izan behar genuke errealitatea aztertzeko garaian.
Nola ez, datuak, ehunekoak eta batez bestekoak hainbeste maite ditugun garai hauetan, badaude gaiaren inguruko ikerketak ere:
Estatistiken arabera, espainiar estatuan etxebizitzen %75,9ak interneteko sarbidea du eta erabiltzaile askok bertara konektatzeko, mugikorra erabiltzen dute euskari nagusi gisa (iturria: INE).
Beraz, datuei erreparatuz gero, negozio edo saltoki gisa bertan egotea komeni da, ezta?
- Erosle gisa, produktu edo zerbitzu batek atentzioa deitu orduko, interneten bilatu ohi izaten dugu lehenik. Bilatzaile batean izena jarri orduko emaitzarik topatzen ez badugu, sinesgarritasuna eta interesa galdu izan ohi dugu. Beraz, bezero gehiago lortzeko bidean, gure dendak edo negozioak online presentzia izatea komeni ezta?
- Interesa eduki dezakeen edonork 24 orduz gure web-orri edo bestelako gune digitalean, gure marka edo saltokiaren inguruko informazioa lor dezake erraz.
- Arreta eskaintzen duen gune fisiko bat izateak izugarri handitu dezake bezeroak lortzeko aukera, are eta gehiago gune fisiko hori digital batekin uztartzen badugu. Izan ere, inguruko eta gure esparrutik kanpoko pertsona gehiagotara heldu gaitezke eta.
- Geroz eta enpresa gehiago interneten presentzia izatera heldu dira. Enpresa horien artean zure lehiakideak egonez gero, hauek aurre hartzeko aukerak handituko dira zure negozioaren kalterako.
- Egun web-orri korporatibo bat, enpresak izan dezakeen aurkezpen gutun garrantzitsuena bilakatu da. Beraz, ondo antolaturiko diseinu txukuneko gune digital bat izatea komeni da.
- Behin eta berriz informazio berria ipini eta gure gune digitala elikatzen joan gaitezke, mugarik gabe.
- Mota eta inbertsio guztietariko gune digitalak eskaintzen ditu merkatuak gaur egun. Hori dela eta, baliabide ekonomikoak edozein izanda ere, interneten presentzia egoki bat izateko aukerak dira nonahi.